Home » Homber a ricibi varios hinca; for di algun hoben

Homber a ricibi varios hinca; for di algun hoben

by Admin
0 comment 205 views

Rooi Afo – Diahuebs algo prome cu mey anochi polis ta wordo pidi cu urgencia altura di e veld di Santa Fe, situa na Rooi Afo. Eynan un persona lo a wordo hinca.

Rapidamente polisnan a yega e sitio, y ta wordo avisa cu e persona cu a wordo hinca lo ta coriendo/buscando esnan cu a hink’e. Unda e incidente a tuma luga, cu ta un caminda di tera scur polisnan a pone algun pion pa asina cuminsa cu investigacion.

Despues di algun minuut, polis a wordo avisa cu e persona herida lo ta na un adres ariba e caminda principal di Pavia.
Na yegada di polis na e adres, agentenan por a mira cu un cashi coriente y un porta eléctrico ta completamente destrui. Den e cura polis lo a topa cu e homber herida y e doñonan di e cas.

Na e sitio nos a compronde cu e homber herida lo ta esun cu a hinca un flatbed truck di reverse den un cura di cas.
Segun su version, esnan cu a hink’e(herid’e) ta biba eynan.

Locual cu aparentemente a conduci na tur e problema aki

Ta asina cu algun hoben; lo ta draai auto y segun e victima varios biaha nan lo a bisa e hobennan pa stop, kizas door cu ta tera esaki ta crea molester di stof.

Diahuebs anochi laat; algo lo a bay completamente for di man unda cu un di e hobennan a hinca e homber mas cu 1 biaha.
Despues nan lo a bandona e sitio.

Pues un problema complica, unda cu recherchenan lo tin di bay investiga pa mira kiko exactamente a sosode.

Elmar mester a presenta, mirando e daño cu wordo causa, unda cu waya di coriente a keda colga basta abou ariba caminda, creando peliger pa si un vehiculo halto pasa y tambe e cashi di coriente destrui di un bisiña cu no tin nada di haber.

Mayor di un di e hobennan a presenta na e cas

Algun rato despues, a yega un vehiculo cu un di e hobennan y su mama.
Eynan por a mira cu despues di bastante papiamento na final polis ta detene e hoben.

Sra.Janine di Slachtofferhulp tambe a yega y a wordo informa di tur locual cu a sosode y a dirigi su mes unda e incidente a tuma luga, pa trata cu famia di e homber herida. Departamento tecnico di polis a bay unda e incidente a tuma y despues a bay tambe unda e destruccion a sosode.

Pa locual ta e victima e lo a bay Hospitaal den auto priva; e tawata cana y papia prome cu e la bay Spoedeisende Hulp.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio