Paradera – Diahuebs marduga polis tawata controlando ariba e sluitingstijd. Durante controle na Great Rich na Paradera a ripara cu tawata 3’or y ainda e luga lo tawata habri.
A duna ordo pa cera esaki, y cu tur hende mester sali.
Normalmente cos ta rustig sin problema, pero diahuebs marduga dia di rey agentenan a haya “resistencia”.
Dos individuo cu no tawata kier bay a cas ainda y ariba dje tawata hopi bebi a dicidi di bay contra e agentenan y tambe a cuminsa insulta. Esaki a bay for di man y aki e agentenan a detene ambos y ponenan ariba suela boca abou.
Algun rato despues transportwagen a yega y durante cu nan tawata hincando e dos detenidonan den e transport un otro homber burachi lo a bin trata na impidi trabou di polis.
Agentenan no a duda mes y bay over na detene e persona aki tambe, cu tawata burachi.
Tur 3 a wordo hinca den e mesun transportwagen y hiba warda; unda nan lo mester a wordo presenta dilanti un Sub Fiscal si ta bon.
