Tanki Leendert – Diaranson anochi un agente di motor unit di cuerpo policial a hay’e envolvi den un accidente poco panort di rotonde nobo di Tanki Leendert.
Na e sitio nos a compronde cu e brommer di polis lo tawata bayendo un caminda cu zwaailicht y sirena. E lo tawata bayendo direccion nort, ora cu un Nissan Almera a subi caminda for di pabou.
E agente lo no por a haci nada y ta dal parti patras drechi di e vehiculo.
Esaki a pone cu e ta cay y resulta herida, pero nada grave. Otro coleganan cu a yega a pidi ambulance pa Paramediconan por a haci control ariba dje.
Na nan yegada Paramediconan a control’e na e sitio mes, indicando cu e ta bay ta ok.
Por a mira e hefe di unidad motorisa y tambe polis di trafico na e sitio, e brommer a wordo hiba warda di polis pa mira kiko tur e daño/nan ta.
