Sero Biento – Diamars anochi pa mas o menos 11’or polis y ambulance a bay ariba e caminda di Sero Biento pa Santa Marta, unda cu un accidente a sosode cu brommer envolvi.
Ambulance a yega prome na e sitio y pariba di caminda altura di e apartamentonan di place ta haya un homber boca abou, den e yerba benta.
E persona lo tawata na tino, pero esnan cu a yega prome pa siguridad no a move; evitando di causa cualkier daño.
Parse cu e cabayero pa un of otro motibo lo a perde control cu e brommer color geel y bay cay heridando su mes.
Paramediconan cu tawata na e sitio a lanta cuidadosamente y pone ariba e stretcher.
Polis di trafico a yega na e sitio pa tuma dato di locula a sosode, mientras caminda a wordo cera brevemente pa unidad motorisa.
Na momento cu e motociclista tawata wordo hinca den e ambulance por a mira cu e tawata na tino.
