Avenida Milo Croes – Dialuna anochi algo prome cu 8:30 polis y varios ambulance a bay crusada di Avenida Milo Croes cu Stadionweg pa un accidente cu varios herido.
Na yegada di polis di trafico e ta topa un Auto Bus y un Toyota Corolla. E auto bus tawata carga cu pasahero, unda e ta hay’e den un boksmento momento cu un Toyota Corolla ta yega subi e crusada.
Ariba caminda por a mira un lastro di brake di parti e auto bus.
E impacto a manda e Corolla peg’e contra e muraya di e negoshi eybanda. Na stuur tawata un dama cu a resulta herida, cu golpi den barica.
Tres ambulance a presenta; unda cu e Paramediconan a controla un total di 6 persona.
Na final 3 persona mester a bay Hospitaal pa mas tratamento, entrenan e dama chauffeur di e Corolla.
Takelwagen mester a presenta pa bay cu e vehiculonan. Basta pieza di auto a keda gespart ariba tanto acera y ariba caminda.
