Home » CAMPEONATO LIGA HONOR ORO DI AVB JEGANDO FASE CULMINANTE Cua te 4 equiponan cu lo clasifica pa Play-Off??

CAMPEONATO LIGA HONOR ORO DI AVB JEGANDO FASE CULMINANTE Cua te 4 equiponan cu lo clasifica pa Play-Off??

by Admin
0 comment 56 views

Oranjestad – Aruba

E weekend aki, pa e campeonato LIGA HONOR ORO un biaha mas lo tuma lugar 3 wega sumamente interesante. Diabierna, 21 april pa 8:00 PM den Stadion Frans Figaroa, e equipo di Madiki, Riverplate lo enfrenta e pumanan di Piedra Plat, Britannia. Sigur un wega cu e fanaticonan di ambos equipo no per perde. Riverplate ta na ultimo lugar, pero cu un victoria nan ta jega 6 punto y nan ta 100% bek den e race pa Play-Off. Britannia ta na di 2 lugar y mester un victoria pa keda serca di RCA y tambe pa tene e equiponan di Estrella, Dakota y Nacional riba un distancia.
Diasabra, 22 april ta continua cu otro 2 wega interesante den Stadion Frans Figaroa, pa 6:30 PM un di Aruba su clasiconan, e naranhadanan di Santa Cruz, Estrella lo enfrenta e abehanan di Dakota. Ningun di dos por pifia, esun cu pifia tin chance cu por keda for di Play-Off. Estrella tin 7 punto y Dakota tin 6 punto. Estrella a haci un comeback fuerte e campeonato aki, mientras cu Dakota kier ripiti su titulo di campeon.
E di dos wega di diasabra, 22 april den Stadion Frans Figaroa, lo cuminsa pa 8:30 PM y lo ta entre RCA y e dragonnan di Nacional. E tricolornan di Solito ta mustra solido na prome lugar cu 13 punto, pero despues di e victoria di siman pasa, ta mustra cu e dragon a lanta for di soño y tin papia cu ta te final nan kier bai !
Asina ta, 3 wega cu abo como fanatico no por perde e weekend aki, bin apoya bo equipo y tene cuenta cu bo entrada bo ta juda bo equipo favorito, ASINA TA NOS TARDA BOSO NA STADION FRANS FIGAROA !!

LIGA HONOR – ORO P W D L Pts F A
1 RCA 5 4 1 0 13 13 4
2 Britannia 5 3 0 2 9 6 5
3 Estrella 5 2 1 2 7 11 9
4 Dakota 5 2 0 3 6 8 11
5 Nacional 5 1 2 2 5 7 9
6 Riverplate 5 1 0 4 3 7 14

You may also like