Bubali:
Diasabra algo prome cu 6’or di mainta un Mitsubishi color Cora a accidents na e rotonde banda di Superfood na Bubali. Mesora a pidi pa presencia di polis.
Na yegada di e polis, e chauffeur a splicanan cu e tabata biniendo for di pariba y tabata bayendo su “trabou”. Aparentemente e no a controla e velocidad di su auto na tempo y a dal contra e muraya cu tin rond di e rotonde. E impacto tabata basta fuerte cu e chauffeur a bay dal su cabes den e windshield.
Polis a pidi ambulance pa atende cu e chauffeur pero e chauffeur no tabata desea asistencia medico. Mientras polis tabata papiando cu e chauffeur nan a ripara cu e ta mustra bou influencia. E agentenan na e sitio a pidi e chauffeur pa haci un test di alcohol. Ora e homber mester a supla e ni por a haci esaki, no a keda polis otro pa pidi pa un transportwagen.
Un transportwagen a bin buska y hibe warda di polis na Noord.
