232
Palm Beach: Diasabra den careda di 2’or y 45 di atardi un homber lo a subi riba un plataforma na un restaurant na Palm Beach y pa un of otro motibo a cay for di e plataforma aki cu ta mas di 5 meter halto, e homber a keda herida.
Aparentemente e homber cu a cay lo ta un chef cook di e restaurant. Mesora a bati alarma, polis a yega hopi lihe na e sitio y un rato despues dos ambulance tambe a cera na e restaurant. E paramediconan di ambulance a bin topa cu e homber benta abou, e tabata na tino pero tabata keha di hopi dolor na su heup.
E paramediconan despues di a trata e homber na e sitio a transport’e cu urgencia pa hospital, pa un tratamento medico mas avansa.
