Bubali: Diabierna algo prome cu 3’or di atardi, un Honda Fit, preto biniendo di pazuid riba e caminda di Bubali pa Washington a perde control y a drenta mondi. Mesora a pidi pa presencia di polis.
E Honda Fit tabata wordo maneha pa un cabayero kende a conta cu e tabata biniendo di pazuid y di golpi un di e tairanan di patras a rementa cu consecuencia cu e la perde control cu su auto y a drenta un mondi di kwihi cu Hubada. E chauffeur no tabata herida y a logra sali bon for di e auto.
Pa motibo cu su papelnan lo tabata na ordo, e no tabata bou influencia y no a haci niun daño na otro auto of na propiedadnan di otro, presencia di polis no tabata necesario mas y nan a sigui nan caminda. Mientras e chauffeur a keda warda riba Forensys pa tuma datos di locual a sosode y pa despues e chauffeur pidi un takelwagen pa saca su auto for di e mondi.
