Polis a bay cu homber cu lo tabata maltratando un dama riba caya

Gielstraat, Noord:

Diabierna den oranan di merdia un homber a haya ta bon pa cuminsa maltrata un dama malamente riba caya den Gielstraat, mesora esnan cu a mira esaki a core bati alarma.

Na yegada di polis nan a bin compronde cu e homber tabata maltratando su pareha riba caminda. E agentenan policial a papia cu e dama y a splik’e e camindanan pa cana pa evita cu e homber sigui maltrat’e.

E agentenan despues di a caba di papia cu e dama a transporta e homber pa warda di Shaba, probablemente lo ta pa atende cu ne mas serio riba su comportacion agresivo contra e dama.