313
Cura Cabay: Diabierna algo despues di 8 or di mainta a sosode un accidente tres persona herida na altura di Keke Mega Store na Cura Cabay, Mesora a pidi pa presencia di polis y ambulance.
E accidente no a sosode riba e caminda principal pero riba e caminda paden, un Nissan Cube y un Toyota Yaris tabata envolvi den e accidente. Den e impacto fuerte e chauffeur di e Nissan Cube a keda herida y un ocupante di e Toyota Yaris a dal su cabes basta dura contra e windshield. Den un di e autonan tabata tin un mucha tambe
Dos ambulance a presenta pa trata e dos personanan herida y pa haci control medico cu e mucha. Polis di trafico tambe a presenta pa asina haci e investigacionnan necesario pa haya sa chauffeur di cua auto a ocasiona e accidente aki.
