Weststraat/ Prof.lorentzstraat – Diadomingo mainta un biaha mas e crusada por bisa mas conoci den Playa pa accidente ta den noticia atrobe.
Tawata algo prome cu 10’or cu polis mester a bay e crusada di Weststraat cu Prof.lorentzstraat pa un accidente.
Na yegada nan a constata cu tin un persona herida den un Kia Picanto, cu golpi na pia y cabes y lo ta sinti curason.
Ariba e imagennan por mustra cu e Picanto a subi e crusada sin pone atencion y pa su mala suerte un flatbed cu carga tawata yegando y ta dal contra dje.
Ambulance ya tawata yegando e sitio, unda cu Paramediconan mesora a bay duna chauffeur di e Picanto e asistencia necesario. Na final e ta wordo transporta pa Hospitaal.
D.O.W mester studia e crusada aki mas y pensa con nan por bay alivia/remedia e problema serio aki unda cu ta asina duidelijk cu mester bin uj solucion.
