Avenida Nelson O.Oduber – Diahuebs atardi polis y ambulance a bay pura poco pazuid di ex House if Cheng, direccion pa Oranjestad. Eynan un auto a bolter y e persona lo ta herida.
Varios yamada lo a drenta na 911, bisando cu un accidente basta serio lo a sosode ariba e caminda.
Na yegada di polis nan a constata cu e auto fuera di a bolter a ranca un palo di luz tambe.
Ambulance tambe tawata na caminda, debi cu e chauffeur tawata keha di basta dolor.
Paramediconan na yegada mesora a bay dune prome auxilio y di eynan sigui control’e unda cu despues a bay direccion Hospitaal.
Pa locual ta e auto, nos no sa ki marca e ta debi cu e la keda total los.
Polisnan mester a cera e caminda evitando trafico pasa unda e accidente a sosode, pa asina polis di trafico por a haci su trabou.
Slachtofferhulp a wordo notifica di e accidente serio aki.
