Paradera:
Diasabra den careda dì 3 ‘or di marduga habitantenan a wordo lanta for di soño pa un zonido hopi duro. Mesora a bay wak y a nota cu tabata trata di un boksmento.
Un Mitsubishi Outlander shinishi biniendo for di direcion di e rotonde Paradera y bayendo direcion nort, pa un of otro motibo e chaffeur lo a perde control riba e stuur, e la hala full na su man robes, subi acera y bay dal un Toyota Scion cu tabata staciona.
E impacto fuerte a pusha e scion basta patras. Tambe ambos auto a haya basta daño material.
E chauffeur di e Mitsubishi Outlander, despues di e impacto a baha for di su auto a mira su auto y e otro auto dje a cuminsa cana lihe lihe bay direcion di su cas cu no tabata keda mucho leu.
Presencia di polis a wordo pidi na e sitio. Doño di e Scion a yega na e sitio. Polis a tuma su declaracion y tur datos,.
E chauffeur di e Mitsubishi na momento cu e la bandona e sitio, a laga su auto habri cu su paspoort y mas documento den dje. Polis a bin topa cu e documentonan aki y asina a haya sa na ken e auto ta pertenece.
E plaachi number riba e Mitsubishi no tabata cuadra, e number tabata registra riba un pickup. Esaki mesora a keda confisca y takelwagen a hib’e warda di polis.
Polis desoues di a caba nace sitio a keda di bay na e cas di e chauffeur di e Mitsubishi pa tuma su declaracion y pa investiga e hit and run aki.
