Pueblo Boneriano ta para atrobe dilanti un desafio grandi si akaso vota o no vota den elekshon di konseho insular 2023. E berdat ta ku desde 10-10-10 bo voto no tin balor demokratiko mas pasobra e konseho insular di Boneiru I gobiernu ku bo vota I elegi no tin poder pasobra ta Den Haag ta goberna, disidi I impone leynan I manehonan. Lo siguiente:
- Gezaghebber representando Reino ta disidi riba e konseho insular, gobiernu I politikonan ku bo vota pe 2. Programma-manger ta disidi riba e konseho insular, gobiernu I politikonan ku bo vota pe 3. Representante di Reino na RCN ta disidi riba e konseho insular, gobiernu I politikonan ku bo vota pe 4. Ministerionan na Hulanda I ambtenarnan na Hulanda ta disidi riba e konseho insular, gobiernu I politikonan ku bo vota pe 5. Sekretarionan di Estado na Hulanda ta disidi riba e konseho insular, gobiernu I politikonan ku bo vota pe 6. Ministernan na Hulanda ta disidi riba e konseho insular, gobiernu I politikonan ku bo vota pe 7. Komite fiho di Relashonan di Reino konsistiendo di lider di frakshonan di partido den gobiernu na Hulanda ta disidi riba e konseho insular, gobiernu I politikonan ku bo vota pe 8. Eerste Kamer na Hulanda, konsistiendo di 75 miembro ta disidi riba e konseho insular, gobiernu I politikonan ku bo vota pe 9. Tweede Kamer na Hulanda, konsistiendo di 150 miembro ta disidi riba e konseho insular, gobiernu I politikonan ku bo vota pe
E politikonan bieu o bake a atrae I atrapa atrobe un gran kantidat di hobenan inosente I prometedor I talentoso, mientrastantu ku e mesun lidernan aki ku a bini di kibra partido, bula kura, di partido pa partido, politikonan bieu I nobo resikla, I ta e kausa mayo di tur e problemanan ku Boneiru ta enfrentando desde 10-10-10. Asina un hoben tin un opinion I bos, ekspresa esaki publikamente, awor esaki ta sosede mas I mas riba retnan-sosial, nan ta bira blanko di atake I ta wordu atrae i sedusi forsosamente den politika. Nan ta impone riba e hobenan ku ta riba un lista di partido politiko bo mester ta pa hasi kambio. E manipulashon ta dje enorme ey ku no ta mira o komprende ku ta e mesun politikonan bake I resikla ta nan mes a goberna e ultimo 12 anjanan I ta nan mes ta den e posishonan elegibel riba e lista pa bai den konseho insular atrobe. Nan ta kontinua ta husa e hobenan nobo aki ku tin un bos I kurashi mesun manera ku tur e otro hobenan den elekshonan anterior. Kuantu hobenan, elekshonan anterior, nan a hasi mesun meskos ku nan?, destrui nan sonjonan, nan bon intenshonan, nan integridat, nan dignidat komo humano? Loke nan no ta bisa e hobenan aki, I ku ta hipokresia di marka mayo, ta ku e mesun politikonan I lidernan aki a traishona nan I nan futuro. E mesun lidernan di partidonan manera UPB, MPB Elvis SjinAsjoe, DP Clark Abraham, M21 Daisy Coffie ku no a respeta derechonan di e Boneriano I a bai di akuerdo den konseho insular na 2017 ku gobiernu di Hulanda pa ankra Boneiru I tur futuro generashonan den Konstitushon Hulandes bao di derechonan desigual komo suidadano di segundo rango. Un sistema di apartheid sostene pa e mes lidernan aki. Historia ta keda ripiti I ta sigui atrapa I destrui kada hoben ku tin un bos kada elekshon di nobo.
Situashon di Boneiru despues di 12 anja i kuater elekshon: -Imigrashon habri permitiendo Hulandes Oropeo pa imigra I hasi e Boneriano minoria riba su mes isla -Den Haag ta kolekta impuesto haltu na nivel di Hulanda ku e pueblo Boneriano ta forsa paga pa sobrebibi I no perde su kas, tereno ets, sin Hulanda ta duna kuenta pa esaki, I ta debolbe un parti chiki di esaki bek komo sen o ayudo Hulandes I ta malgasta nos sen di impuesto pa paga pa salarionan I toelagenan haltu di direktornan Hulandes Oropeo ets por biba manera un rei riba Boneiru – Sistema di kuido no ta benefisioso pa e nativonan komo ku Mariadal, laboratorio, remedinan, ets tur ta bao di kontrol di gobiernu Hulandes I no di e politikonan lokal -sistema di edukashon no ta benifisioso pa e nativonan pero a wordu kambia substansialmente pa segrega I demotiva e nativonan I pa benefisia e fluho di muchanan Hulandes imigrando pa establese huntu ku nan mayornan I asina nan lo ta e futuro lidernan di Boneiru -kosto di bida desde 10-10- 10 a eskala ku kambio di florin na dollar, ironakamente Korsou I St Maarten ta sigui usando florin, dobel preisnan I salaris I entrada a baha bira mitar, mandando e mayoria di Bonerianonan bao di linja di pobresa -a kita tur hefenan di institushonan ku ta lokal, di hospital,aeropuerto, skolnan, ets I remplasa nan ku Hulandes Oropeo – koriente I awa ku WEB bao di kontrol di Autoriteit Consumenten Markt di Hulanda tarifanan a subi astronomikamente I inpagabel I no ta benefisia e nativonan ets ets
E politikonan ku awor ta pidi bo pa vota pa nan no tin poder I no por kambia e situashonan ariba menshona ni tampoko leynan, manehonan I medidanan ku Den Haag ta kontinua ta impone. Dor di vota e Boneriano, nos mes ta bai di akuerdo ku e status quo, ku tur e abusonan I violashonan di nos derechonan di parti di Hulanda I nos mes ta legalisa e status konstitushonal di 10-10-10 ku a wordu impone riba nos. Si bo no vota bo ta proteha e referendum di 2015 kaminda 66% di pueblo a rechaza e status illegal aki I ku ta e punto prinsipal pa komunidat internashonal yuda Boneiru bai bek riba lista di Nashonan Uni.
I no ta NKBB so ta komprende ku votamentu den situashon aki di Boneiru ta un farse I no tin sentido. NKBB a nota ku tin 3 partido, Era Nobo di Eric Soliano, PHU di Bijkerk I FSP di Robby Beukenboom tambe a yega na e mesun konklushonnan I no ta partisipando den e fake-elekshonan di 15 maart kaminda nos politikonan no tin poder pasobra ta Den Haag ta dikta I disidi sin ningun sorto di kontrol riba nan.
A pesar di tur e promesanan di Ramonsito Booi, Jopie Abraham qepd, James Kroon, Clark Abraham, Elvis Sjina Asjoe , tur e politikonan involvi den e desmantelashon di Antia Hulandes na 10-10-10, esaki no a benefisia e pueblo di Boneiru, e la benefisia solamente e Hulandes Oropeo.
Un gobierno di Boneiru elegi solamente lo tin sentido si komunidat internashonal, paisnan den nos region Latino Amerikano I Karibe sostene Boneiru pa nos derecho di outodeterminashon I propio-gobernashon I pone Boneiru bek riba lista di protekshon di Teritorionan-sin-Propio-Gobernashon di Nashonan Uni ku lo funshona komo un referee o ruman grandi. Boneiru lo hanja un status legal/politiko I representashon na Nashonan Uni I den arena internashonal mientras ku Hulanda di akuerdo ku artikulo 73 tin ku raporta kada anja na Nashonan Uni I komunidat internashonal kon nan ta kumpliendo ku nan responsabilidat pa sostene Bonerianonan den nan desaroyo sosial, ekonomiko, politiko, kultural I edukativo. Ta e trajektoria aki Nos Ke Boneiru Bek I Bonaire Human Rights ta luchando pe. NO vota ta bo derecho demokratiko pa protesta I bisa loud and clear ku bo no ta kontentu ku e systema I kiko Boneiru ta pasando den desde 10-10-10