Tres auto envolvi den accidente ariba crusada conoci den Playa

Weststraat/ Prof.lorentzstraat – Diahuebs den oranan di atardi polis a bay pura e crusada conoci di Weststraat cu Prof.lorentzstraat pa un accidente di trafico.

Na yegada di polis nan a tuma nota cu tawata trata di 3 auto y tin un señora levemente herida.

Na yegada ya tawata tin un personal di Ambulance presente dunando e señora herida prome auxilio.

E accidente a sosode momento cu e señora na stuur di un Ford Figo a subi e crusada sin duna preferencia, y ta dal un auto Jeep y causando cu esaki a bay dal un Santa Fe.

Ambulance a yega y Paramediconan a opta pa transporta e señora pa Hospitaal.

Daño material na e 3 vehiculonan ta bastante.