Recientemente a tuma lugar un workshop di un serie di 7 encuentro, cu lo trata e siguiente topiconan:
Con pa reconose un adulto mayor vulnerabel (3 encuentro)
Con pa trata un adulto mayor vulnerabel (4 encuntro)
Tawata durante luna di oktober 2022 cu Sra Rosa Leon, como Gerontoloog, durante un biahe di trabou y estudio, a asisti na e “16 de Gerontologische Congres” y “Werken met kwetsbare ouderen” na Hulanda.
Mester menciona cu e Congreso tawata sumamente exitoso y instructivo.
Mester bisa cu tur 2 Congreso tawata di sumo importancia. Como coordinadora di e proyecto Hunto Grandi Grandi Hunto a mira e importancia di por crese y amplia e conosemento riba e topico di vulnerabilidad riba adulto mayor cu ta biba na cas y e importancia pa traspasa esaki pa esnan cu ta interesa.
Manera ariba menciona, e topiconan con pa reconose y con pa trata un adulto mayor vulnerabel lo tin como meta pa crea un bista diferente den e trato di un adulto mayor.
Na e Workshop aki a inscribi un total di 18 participante, entra nan trahando na Casnan di cuido, profesionalnan di FAVI, Mantelzorgers y tambe esnan cu ta traha como guia di adulto mayor. Tur a amira e importancia pa haya mas conosemento riba e topico vulnerabilidad.
Sra Madeline Ridderstap trahando como”Begeleidingskundige” na Directie Sociale Zaken, hunto cu Sra Rosa Leon como Gerontoloog, lo bay tin e encargo di e workshop aki. Lo bay presenta diferente casonan y tur participante lo por duna nan punto di bista, sea den grupo of individual.
Tur e encuentronan aki ta tuma lugar na “The Meetingroom” situa den Dakota Shopping Paradise durante lunanan Febr. y Maart venidero.
Un danki ta bay na Fundacion Movemento ta Bida, Cede Aruba, Samenwerkende Fondsen Cariben y Directie Sociale Zaken pa nan aporte.