L.G.Smith Boulevard – Diadomingo merdia algo pasa di 12’or Strandpolitie a bay pura altura di Marriott, buscando un Celta color blanco. Den e auto ey lo tin un hende muhe sin paña.
E muhe aki hopi probablemente bou influencia y sunu a baha altura di tres trapi y comete destruccion ariba varios auto.
Polis a bay atende cu chauffeur di e Celta, cu lo ta amiga di esun sin paña. E la conta polis cu e dama concerni a yam’e y a pidi’e pa e busca for di Santa Cruz. Mientrastanto a baha e muhe sunu for di auto y pone sinta den e patrouille di Strandpolitie.
Direccion Playa ya e muhe aki a cuminsa haci cosnan straño, tirando cosnan for di auto.
E amiga, paso otro e no por ta a dicidi di hibe lama pa e calma, y nan a bay Tres Trapi.
Eynan ta caminda cu tur locual por a bay robes a bay robes.
Aki ta unda cu e muhe lo a kita completamente sunu pero no a drenta lama, pero a scohe pa pasa na e bishitantenan y benta cos ariba nan.
Momento cu e la haya un boter e lo a manda esaki contra windshield di un Lexus staciona causando daño na e auto, a wordo papia di mas cu 1 auto.
A pidi transportwagen pa hiba e muhe warda y tawata bisto cu e lo a usa un of otro substancia. Polis a bay Tres Trapi pa haya mas informacion di tur locual a sosode.
Si abo of un persona cu bo conoce tin pensamentonan di suicidio, por favor yama
Respaldo na (+297)5274800 o yama Dr. Horacio E. Oduber Hospital na (+297)5274000 pa ayudo.
