127
Pos Chikito
Diabierna den careda di 11’or y mey di anochi, polis y brandweer a wordo pidi cu urgencia, pabou di rotonde Pos Chikito pa un accidente di cual e auto a pega candela.
Na yegada nan a bin compronde cu un Toyota Scion, color preto, numera A 62721 y tabata wordo maneha pa un cabayero.
Yegando rotonde Pos Chikito, e auto a pega candela den careda. E chauffeur a spanta y a bay dal contra e vangrail pazuid di caminda. Mesora e chauffeur a sali for di e auto.
Brandweer na yegada mesora a drenta den accion pagando e candela. Polis a cera caminda for di rotonde drive inn, mirando cu e auto tawata full na candela.
Bomberonan na e sitio a pidi toch pa un ambulance na e sitio pa haci un control medico ariba e chauffeur.
