Edisonstraat, Kamerlingh Onnestraat:
Diahuebs den careda di 10 or y 45 di mainta, un truck di Serlimar cu tabata recogiendo sushi den Edisonstraat a bay reverse y a dal contra un pickup di un compania cu ta haci pool limpi. E pickup tabata staciona dilanti di un cas, mientras e chauffeur mes tabata paden. Den e auto tabata tin un señora sinta. Na momento cu e señora a mira cu e truck di Serlimar a cuminsa reverse, e la bay hala pa pita, pero e truck a reverse cu velocidad halto y a dal contra e pickup.
E chauffeur di e truck probablemente no lo a mira e pickup staciona dilanti di e cas. E impacto tabata fuerte pero danki na un sero di klinkers cu tabata tin pastras di pickup, a stroba cu pickup no a bay dal contra e cura di cas y a keda pega riba e sero di klinkers mes.
E dama cu tabata den e piickup a keda levemente herida, e tabata tin dolor na su pecho.
E pickup a haya hopi daño material na e parti di dilanti. Mesora a pidi pa presencia di polis y ambulance.
Na yegada di ambulance, e paramediconan a trata e dama na e sitio mes. Polis a presenta y a atende cu e boksmento aki.
