Siendo un di e hotelnan cu mas empleado na Aruba, por bisa cu anualmente ta recluta centenares di asociado nobo, mientras cu di otro banda ta promove coleganan existente cu ta forma un carera den e compania mes. Ta nota cu un vacatura a habri y mesora ta solicita internamente, den un esfuerso pa cambia di trabou, subi di posicion y mehora condicionnan laboral y di salario. Aña pasa, despues di pandemia, Aruba Marriott Resort & Stellaris Casino a nota un record den promocionnan interno, compara cu tur su casi 28 añanan di existencia.
Di un banda e ta demostra cu e asociado awendia gusta reta su mes y cambia direccion. No necesariamente ta keda den e mesun ramo pa semper, sino ta sinti e necesidad pa cambia di carera, pero den e mesun compania. Pero di otro banda, ta demostra cu Aruba Marriott Resort & Stellaris Casino, siendo un di e hotelnan di mas grandi na Aruba, ta brinda y hasta ta promove e oportunidadnan aki memey di su asociadonan. E ta un forma pa tene bo mesun empleadonan contento, laga nan crece, educa nan mes mas y conta riba un nivel mas halto di lealtdad y compromiso.
Di HR pa Accounting
Dies aña pasa Patricia Miranda a inicia su carera na Aruba Marriott Resort & Stellaris Casino como Human Resources (HR) Coordinator. Un tempo despues a promov’e como HR Executive Assistant. “Danki na e guia y motivacion di mi lidernan mi a asumi e funcion di HR Supervisor”, Patricia a enfatisa. Como HR Supervisor el a traha hopi di cerca cu e departamento di accounting, specificamente cu payroll. Door di traha di cerca cu e departamento, Patricia a cultiva un pasion nobo. El a comunica su pasion na su manager y hunto a traha riba un career plan p’e por logra su metanan den e area profesional. Asina el a asumi su prome funcion comopayroll manager den e departamento di accounting.
Na Marriott bo ta crece!
Trahando den accounting, su pasion a sigui crece y asina el a tuma e bentaha di e educational assistant benefit cu Aruba Marriott Resort & Stellaris Casino ta ofrece. El a logra inverti den su estudio diHBO Inleiding Bedrijfskunde. El a sigui crece, danki na e guia di su director financiero y asina cu tempo Patricia Miranda a ricibi promocion y a bira Accounting Manager.Recientemente, Patricia Miranda, a asumi su funcion nobo como Assistant Director of Finance.
Patricia a vocifera di ta sumamente orguyoso di traha pa un compania cu ta inverti den su asociadonan y cu ta traha plan pa no unicamente duna e oportunidad sino cu alabes ta yuda e asociado pa yega nan meta. Pa finalisa, Patricia Miranda, a indica cu si bo tin e mentalidad corecto, e actitud y e empuhe…Aruba Marriott Resort & Stellaris Casino is the place to be!
Di bank’i scol pa un hefe den finansa
Arthur Santos, Director of Finance Operations di Aruba Marriott Resort & Stellaris Casino, a gradua na aña 2017 y a select’e como Finance Voyager. E Finance Voyager ta parti di un programa cu ta dura entre 12 pa 18 luna. Despues di e programa aki ta prepara e trahado pa bira un manager. Na momento cu el a termina cu e programa el a bira un Accounting Manager. Despues el a asumi e funcion di Financial Controller den casino y poco despues el a asumi e funcion di Senior Assistant Director of Finance.
Actualmente, Arthur Santos ta e Director of Finance Operations di Aruba Marriott Resort & Stellaris Casino. “Na Aruba Marriott Resort & Stellaris Casino”, segun Santos, “bo exito ta den bo propio man, mirando cu bo ta rondona di hende den diferente area cu ta yena cu capacidad y inteligencia. Ademas di ta rondona di hende local bo ta rondona den e area global tambe.”
Na Aruba Marriott Resort & Stellaris Casino e asociadonan no tin unicamente e recurso di e profesionalnan pero tambe ta conta cu diferente otro recurso manera spreadsheets y training disponibel pa crecemento personal y di e compania. Ademas, na Aruba Marriott Resort & Stellaris Casino, e asociado ta haya sa e importancia di diversidad y inclusion pa crea oportunidad igual pa un y tur. Tur esaki conhuntamente cu un salario atractivo, ta haci cu Marriott ta e luga pa traha!
Di HR pa F&B Manager
Maurits Malmberg, Food and Beverage Manager, a cuminsa su carera na Aruba Marriott Resort & Stellaris Casino na aña 2018. El a yega Aruba Marriott Resort & Stellaris Casino for di sector publico. Malmberg mes ta conta cu e tabata un cambio hopi grandi. El a cuminsa traha den HR como HR Coordinator y e tabata encarga cu training & development. El a asumi su funcion cu hopi placer.
Despues di tres aña el a crece den e departamento. E tabata encraga cu tur contratista y evento pa asociado den e hotel. Poco despues Maurits a mira e oportunidad pa crece. El a tuma e decision pa crece den un departamento diferente cu ta F&B Department. El a solicita pa e funcion y awo orguyosamente e por bisa cu e ta e F&B Manager. “Nos tin un ekipo hopi dinamico y cu hende cu hopi experiencia den F&B”, Malmberg a reitera.
Na opinion di Malmberg, Aruba Marriott Resort & Stellaris Casino ta kere hopi den crecemento. E hotel ta guia bo y yuda bo den tur locual bo tin mester pa asina e trahado por bira exitoso den su carera como manager. Tambe ta duna e guia p’asina e manager por lidera su ekipo miho cu ta posibel.
“Mi ta hopi orguyoso pa traha aki na Aruba Marriott Resort & Stellaris Casino, un compania cu a habri porta y brasa p’ami. Mi ta kere firmemente cu esaki ta e miho caminda pa mi ta”, Maurits a menciona.
Di E.P.I. pa “Chef de Partie”
Irene Hazbun actualmente ta un Chef de Partie na Aruba Marriott Resort & Stellaris Casino. El a cuminsa su trayecto como un apprentice na momento cu el core stage pa tres aña como studiante di Colegio E.P.I. Ora cu el a termina cu su estudio, a promov’e como Cook II. Irene a traha den tur departamento di cushina. E siguiente promocion cu el a ricibi ta esun di Cook I y esaki tambe a bay bon. Irene ta gusta y disfruta di su trabou di tur dia siña algo nobo.
Record di promocion den 2022
Reuella Reeberg-Berg, Human Resources Manager na Aruba Marriott Resort & Stellaris Casino, a expresa cu hopi orguyo cu nan a cera aña 2022 cu 137 promocion entre asociadonan. Esaki ta algo cu Aruba Marriott Resort & Stellaris Casino ta orguyoso di dje, mirando cu a surpasa e cifra di promocion duna na aña 2021. Reeberg a enfatisa cu e cantidad di promocion ta demostra cu Aruba Marriott Resort & Stellaris Casino ta un compania caminda su asociadonan por siña, crece y desaroya, tanto personal- como profesionalmente.
El a continua bisando cu Aruba Marriott Resort & Stellaris Casino ta un compania cu ta brinda hopi oportunidad. Tin diferente persona cu a ‘transfer’ den diferente area manera cushina, front desk, food and beverage y accounting.
Segun Reeberg, Aruba Marriott Resort & Stellaris Casino, di berdad ta un compania cu si bo duna di bo banda y tin gana di sigui crece, nan ta brinda e asociado tur oportunidad. E aña ‘ki, Aruba Marriott Resort & Stellaris Casino a mira diferente promocion den e area di cushina, esaki ta demostra cu den e area culinario tin hopi oportunidad pa siña y crece den Aruba Marriott Resort & Stellaris Casino.
Buscando trabou? Aplica awo!
Si abo ta buscando un trabou caminda cu bo por crece y desaroya bo mes, Aruba Marriott Resort & Stellaris Casinota e caminda cu bo mester ta. Aplica na Aruba Marriott Resort & Stellaris Casino ta masha facil, subi marriott.com/careers busca Aruba y bo lo mira cua trabou tin disponibel. Bo tin e posibilidad di cuminsa un caminda y di ey sigui crece bay den otro departamento y funcion. Ta bon pa bisa cu Aruba Marriott Resort & Stellaris Casino ta ofrece un pakete di salario y beneficionan superior na mayoria empresa na Aruba, cu ta inclui bonus, cobertura pa bo bista, djente, psicologo, remedinan cu AZV no ta cubri, opcion pa keda den otro Marriott rond mundo na prijs reduci y asina por sigui menciona.
Tocante Marriott Aruba
Aruba Marriott Resort & Stellaris Casino a habri dia 31 di augustus 1995 cu 411 camber y despues a añadi 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott & Stellaris Casino ta consisti di mas o menos 1200 empleado den servicio directo. E compleho di Aruba Marriott & Stellaris Casino ta esun di mas grandi den henter Caribe, tanto den cantidad di camber como den cantidad di empleado.
Tocante Marriott International, Inc.
E compania ta situa na Bethesda, Maryland, na Merca y ta maneha un cantidad di mas of menos 7,900 propiedad bou 30 marca conoci den 138 pais. Marriott ta opera, ta duna frankicia y licencia di hotel como tambe “vacation ownership resorts” rond di henter mundo. E compania ta ofrece Marriott Bonvoy®, su programa di biahe masha bon conoci y aprecia bou di su miembronan. Pa mas informacion, bishita nan website www.marriott.com.