Paramediconan mester a controla varios mucha den bus, despues di boksmento

Savaneta – Diabierna mainta rond di 10’or polis y ambulance a bay altura di Mariniers Kazerne, unda a sosode un accidente unda tin un bus di Arubus envolvi.

Segun informacion, e bus aparentemente diripiente a brake y e vehiculo su tras lo no a mantene distancia y ta dal patras di e bus.

Den e bus lo tawata tin algun mucha y door di e impacto algun mucha a dal nan curpa.

Ambulance cu a yega e sitio a haci control ariba e muchanan y uno mester a bay Imsan pa haci un chekeo medico mas avansa.

Polis di San Nicolas a tuma dato di chauffeur di e bus y despues a continua.