Vlissingen
Diaranson un biaha mas Douane Hulandes a intercepta un cargamento di droga, cu un balor di 95 miyon euro.
Diaranson ultimo Douane a rista un container cu a bin for di Ecuador. E carga a pasa via Antwerpen pa Vlissingen. Tawata trata di dos container di bacoba destina pa un compania Hulandes ey mes na Vlissingen.
Durante a ristamento den e prome container a bin haya 150 bloki di cocaina. Den e segundo container a bin haya 38 bulto cu un total di 1129 paki.
Un total di 1279 kilo balora manera nos a bisa caba 95 miyon euro.
Mientrastanto e HARC-TEAM cu ta un cooperacion entre Polis Maritimo, Douane, FIOD y Ministerio Publico tin e caso bou investigacion.
Segun OM e compania na Vlissingen mes no tin nada di haber cu e caso.
E droga a wordo destrui.