Brighter Future Academy Foundation

Cu e clausura di un scol pa mucha special na Noord varios mucha a keda sin school.

Mayornan a aserca Uleike Tromp ”Behavior Therapist di Brighter Future”, kende tin15 aña di experiencia dunando terapia y guia na nos muchanan special.

Uleike tin experiencia cu muchanan cu autism, “adhd/add developmental delay” y otro tipo di “behavior challenges y tambe hopi experiencia den guia pa mayornan cu muchanan special. 

Mirando e necesidad grandi pa educacion pa nos muchanan special, Uleike Tromp a uni cu otro profesional y a lanta e fundacion “Brighter Future Academy Foundation”.

A ricibi un cas na Mozartstraat 11 pa e scol y diferente comerciante di sector priva a aporta pa cu e renobacion di e cas aki.

Hopi trabou a wordo haci pa nos por a logra keda cla den un corto tempo, un danki di curason na e comerciantenan y voluntarionan cu a juda nos cu e scol special.

“Brighter Future Academy Foundation” a wordo funda riba September 22, 2022.

E Directiva ta consisti di Presidente Uleike Tromp Behavior Therapist, Secretaria Miraila de Cuba Directora Medstar Group N.V., Tesorero Melissa Figaroa un mayor di un Mucha Special y Hefe di Accounting na Gianni’s Group, y nos Voluntarionan activo, Carine Solognier mayor di un Mucha Special y Sonaly Fernandez mayor di un Mucha Special y e motor di nos fundacion.

Brighter Future Academy ta un school specialisa cu ta traha cu muchanan di 4 pa 12 aña.

Klasnan ta chikito di 5 mucha, unda cu cada studiante por haya tur e atencion necesario.

Programa di educacion y comportacion individualisa pa cada mucha lo wordo traha a base di e mucha su nivel, necesidad, y habilidad.

Brighter Future Academy Foundation su Vision ta pa mehora e calidad di bida di nos muchanan y nan famia.

Tambe e focus lo ta pa nos studiantenan  alcansa nan capacidad completo y pa provee nan un lugar sigur cu ta motivanan den un ambiente agradabel.

Finalmente lo comparti nos practica cu famianan, otro profesionalnan y scolnan.

Un inmenso gratitud ta bai pa:

Sr. Gerardo de Veer

Sr. Alex Cybul

Sr. Albert de Veer

Sr. Franklin Bareño

Danki di curason ta bai na tur personanan y companianan cu a aporta na nos programa di “Adopt A Blessing”:

Leysner & de Cuba

Thrive Consultancy N.V.

Grant Thornton Aruba

Medstar Group N.V.

Nagico Insurances Aruba

Bon Bini Cargo Services N.V.

Avis Car Rental Aruba

Hilton Aruba Caribbean Resort & Casino

Ike Cohen Foundation

Wendy’s Aruba

Botica Di Servicio Eagle

Y tur otro personanan y companianan cu a adopta un mucha special.

Boso tur a hasi un diferencia grandi den cada un nan bida!

Lo ta bai tin hopi mas projectonan cu Brighter Future Academy Foundation den futuro y nos lo ta agradecido si tin cualkier persona of compania cu ta desea di juda cu un donacion, lo por hasi esaki na:

Brighter Future Academy Foundation

Mozartstraat 11