Oranjestad, Aruba – ELMAR a lansa su EV ChargeUp Pilot Project! E obhetivo di e proyecto aki ta pa ELMAR sigui desaroya un infrastructura mas accesibel, instalando mas “Charging Stations”, brindando e servicio pa recarga vehiculonan electrico (EV) rond Aruba.
Bo ta un propietario di vehiculo electrico “EV owner”? Bo ta interesa pa participa den nos pilot project? Registra awe mes y uza nos EV ChargeUp Stations!
Instruccion pa bo registra na nos EV ChargeUp Pilot Project
1. Download e app “evergo” riba Google Play of App Store
2. Habri e app y click “Sign up now”
3. Yena bo nomber, fam, email y crea un password
4. Despues click “Create new account”
5. Habri e “Account activation” email
6. Click “Activate my account”
7. Pa completa registracion, yena bo “Billing information” den e app
8. Download y lesa nos Terms & Conditions riba nos website: www.elmar.aw/EV
9. Bishita cualkier un di nos sucursalnan pa firma bo participacion na nos pilot project y activa bo EV ChargeUp wallet
10. Porfabor trece un ID valido pa firma bo participacion na nos pilot project
Tur “EV owners” ta wordo invita pa participa den e pilot project aki y haci uzo di Charging Stations di ELMAR rond Aruba. ELMAR como distribuidor di coriente na Aruba kier stimula uzo y sigura funcionamento optimal di e tecnologia innovativo aki.
ELMAR lo sigui instala mas Charging Stations den aña 2023 na varios otro area rond Aruba promoviendo asina uzo di vehiculo electrico den nos comunidad door di inverti den e infrastructura necesario.
Actualmente e localidadnan di EV ChargeUp Stations ta:
• SETAR Palm Beach,
• MFA Noord,
• Local Store,
• ELMAR Oranjestad, Hato y San Nicolas,
• Aeropuerto Reina Beatrix,
• Pazuid di Rotonde di Pos Chiquito.
Pa mas informacion riba nos pilot project, bishita www.elmar.aw/EV of contact nos Call Center di dialuna pa diabierna entre 7:30 am pa 4:30 pm na 523-7100 of [email protected].
ELMAR ta invita tur “EV owner” interesa pa participa den e proyecto innovativo aki pa haci uzo di e oportunidad aki pa recarga vehiculo electrico rond di Aruba.