Oranjestad – Diahuebs durante oranan parti maint mayornan di e dama Elida Maria Arteaga cu a ser haya sin bida siman pasa na Savaneta, a wordo bisa cu lo no bay haci ningun investigacion di e caso.
Despues di basta dia di yama aki y yama pa busca mas claridad di locual a pasa cu nan yiu Elida, porfin diahuebs den oranan di mainta mayornan hopi trauma y cu dolor a haya un oportunidad pa sinta cu polis. Esaki no tawata un caminda facil, debi cu tur e dianan anterior e mayornan tawata wordo “bira” si por usa e palabra corecto.
Diahuebs pa ora cu porfin a bin haya un simpel cita cu autoridad di cual por a ser haci prome caba pa no laganan sufri y keda den incertidumbre, pa na final bisanan cu no lo bay tin nada.
O sea no lo bay tin autopsia y asina ta cera e caso. Si kier haci autopsia, esey lo costa rond di 8 mil florin locual e famia humilde no tin poniendo nan den un caya sin salida pa acepta locual a pasa.
Informacion nan cu nos ta dispone di dje, ta mustra hopi vraagtekens cu lo keda habri, bijvoorbeeld e manera y tambe falta di un of mas huña na e curpa, mustrando un posibel bringamento prome, segun un fuente fededigno.
Si e dokter cu a presenta no a mira “nada particular” pa nos e caso ta cera, tawata palabra di autoridad.