Macuarima – Diadomingo atardi na Centro di Husticia a tuma luga un conferencia di Prensa, esaki tawata relaciona cu e dos asesinatonan.
Uno a tuma luga na tanki di Savaneta y e otro dilanti ex Sand Bar den HotZone.
Procureur Generaal Bote ter Steege tawata presente pa Ministerio Publico.
A puntr’e con e entregamento di arma di candela ta bayendo.
E contesta tawata cu te awor aki solamente 5 arma di candela a wordo entrega. Eynan por a sinti un mix feeling.
E banda positivo segun Ter Steege ta cu “nan” a entrega como algun 100 municion cu ta e producto cu ta mata paso sin e balanan e arma no ta nada. Ta desea si pa esaki ta hopi mas e la sigui bisa.
E accion di entrega arma di candela a cuminsa november 21 pa december 28. Y si no ta satisfecho cu e cantidad cu a haya lo mira si ta prolonga esaki.