Schotlandstraat/Kamay – Diadomingo anochi algo pasa di 9’or a presenta un caso poco fastioso unda cu un dama a bati alarma, momento cu su pareha a bay cu su yiunan.
Tur cos a cuminsa altura di un convenience store den Schotlandstraat, unda cu e homber cu no ta tata di e muchanan a bay cu nan.
Segun version di e dama cu a keda na pia nan lo a bay direccion Kamay. Tambe segun e dama e homber lo a bisa cu cos malo lo bay pasa e muchanan.
Varios patruya mesora a sali direccion e adres cu e dama a bisa.
Na e sitio nan a topa cu e auto Honda cu ta pertenece na e homber y den e auto a bin haya e muchanan. Uno lo tawata na soño, pues ambos tawata bon.
Mientrastanto e mama di e muchanan tawata yegando Kamay cu polis.
Despues di un rato di papiamento e mama no kier a entrega keho contra e homber y a tuma e muchanan y lo a bay paden, mientras e pareha lo a bay un otro caminda pa e anochi.
