Oranjestad, Aruba: SKOA como e instituto di educacion di mas grandi na Aruba ta keda enfoca ariba e desaroyo y crecemento di nos muchanan, y ta boga pa keda brinda educacion di calidad pa asina preparanan pa un bon futuro. Mayornan cu kier inscribi nan yiunan lo haya e guia necesario di SKOA pa cu e proceso di aplicacion.
Manera tur aña SKOA a cuminsa cu nan aplicacion pa inscribi tur mucha cu ta bay haci 4 aña den 2023. Inscripcion a cuminsa dia 21 di November 2022 y ta habri ainda. Mayornan cu ta desea pa nan yiunan bay un scol di SKOA por cuminsa cu e proceso di aplicacion mas pronto cu ta posibel pa asina sigura un luga pa e proximo aña escolar.
Con pa aplica na SKOA?
Mayornan por haci aplicacion na diferente forma: Por aplica via nos website www.skoa.aw pa inscribi completamente online. Por aplica via email door di manda SKOA un email na [email protected]. Awo por aplica via WhatsApp tambe door di manda un mensahe directo na +297 7485995 y sigui e proceso pa completa e aplicacion. Ora di aplica mester pone bon atencion ariba e documentonan necesario pa asina por cumpli cu e proceso di inscripcion di bo yiu. Pa mayornan cu ya caba tin yiu inscribi na SKOA por haci aplicacion di e yiu cu tin cu cuminsa na kleuter via nos systema di SAS.
Pa mas informacion tocante aplicacion y e scolnan di SKOA por bishita nos website www.skoa.aw of por yama na liña directo 5231800.
