Nuñe: Diasabra algo despues di mey anochi, a drenta un informe di un auto na candela dilanti di un cas na Nuñe. Mesora a manda polis y brandweer na e sitio.
Na yegada di polis nan a bin topa cu un auto completamente na candela, e auto tabata staciona hopi cerca di e cura di cas y e candela na dado momento tabata forma un menasa pa e cas tambe. Polis a pidi brandweer pa bin cu sumo urgencia. Na yegada, brandweer mesora a cuminsa combati e candela, pa asina evita cu e lo por expande y forma un peliger pa e cas tambe.
Tur e rato cu brandweer tabata pagando e candela, niun habitante di e cas no a sali bin pafo pa mira kiko tabata pasando. E candela tabata asina fuerte, cu hopi lihe e la kima e auto por completo. Despues cu brandweer a logra paga e candela nan a sigui nan caminda.
