Home » Aruba Bank ta reconoce empleadonan cu a destaca durante 2022

Aruba Bank ta reconoce empleadonan cu a destaca durante 2022

by Admin
0 comment 70 views

Oranjestad – 06 di december 2022 – Reconocemento di empleadonan di aña den cada departamento ta wordo scogi a base di ehecucion di trabou ehemplar durante henter aña.

E reconocemento ta inclui no solamente e ehecucion di nan responsabilidadnan na un nivel superior pero tambe ariba nan contribucion na e mission, metanan, balornan y strategia di e banco.

Durante un ceremonia casual na Neighba, empleadonan a bini hunto pa ricibi nan merecido reconocemento y comparti e alegria cu nan coleganan. Tur presente a scucha algun anecdota y storia cortico di e nominado y su contribucion.

Durante di e ceremonia a anuncia esnan cu a sobresali den nan esfuerso y resultado, di cada grupo. Danella Tromp, Louisette Halley, Herman Brown, y full e departamento di Credit Administration Retail & Corporate Department cu a ricibi nan reconocemento maximo
y alabes a otorga Nicolaas Maduro, Sandy Geerman y Mariela Erasmus cu e “Lifetime Achievement Award” pa nan dedicacion pa mas di 40 aña na Aruba Bank.

Na final di e anochi tambe nos a dedica un “special award” na nos colega Deaxo Croes pa su tremendo perseverancia y dedicacion cu ela demonstra pa nos comunidad cu su tremendo hazaña di Crossing for Prevention.

Cada un di nos coleganan ta contribui diariamente na e logronan y metanan di nos compania, sin e dedicacion aki mucho no lo ta posibel.
Esnan nomina a logra destaca durante 2022, y pesey nos ta reconoce nan esfuerso y dedicacion incansabel cu nan a demostra tanto pa nos banco como tambe nos clientenan.

Masha pabien na tur pa e empeño y esfuerso cu a hiba Aruba Bank dilanti durante di 2022!

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio