192
Diadomingo despues di e tiramento den hotzone, e polisnan na e sitio a haya un informacion valioso for di un of mas testigo y pa colmo a reconoce e hoben cu a tira e homber, kende cu lamentabelmente na su yegada na hospital a fayece.
Un team di polis mesora despues di a ricibi e informacion aki a cuminsa busca e hoben. Polisnan a bay na un cas na Saliña, e sospechoso tabata na e cas aki y ora e la mira cu polis a bin busk’e e la trata na core pa polis, pero e la wordo gara y a keda aresta como e sospechoso principal den e tiramento aki.
Despues di su aresto autoridad a tapa su wowo cu un paña preto y asina e la wordo transporta cu transportwagen pa warda di Shaba, caminda e lo mester bay cuminsa duna cuenta di su acto y ken a dun’e e arma.
No ta conoci si e asesinato aki lo por tin di haber cu esun di tanki na Savaneta, e team investigativo lo mester bay deduci esaki.
