128
Diahuebs merdia Monica Pimentel di Impact Taekwondo y Jayden Croes di Aruba Zwembond
a biaha pa Cancun Mexico pa atende reunion di Cancun 2022 Pan Am Sports Athletes Forum cu ta dianan 2 pa 5 di December. Den e forum nan lo atende diferente session informativo di anti doping, personal branding, social media, after sports career y salud mental.
E forum aki ta solamente pa atletanan di tur Pais cu a yega di participa den Olimpiada, manera Monica Pimentel cu a participa na Rio 2016 den e deporte di Taekwondo bou -49 kilo. Monica Pimentel ta President di Aruba Athlete Commission y e tin cu duna cuenta di tur cos cu a wordo informa na e forum. Monica Pimentel tambe ta coach di Taekwondo di Aruba y ta preparando pa Forth Myers. Monica Pimentel y Jayden Croes ta gradici Comite Olimpico Arubano “COA” pa e oportunidad pa ta presente na Pan Am Sports Athletes Forum na Cancun Mexico.