Noord – Diamars mainta otro agente di unidad di trafico a haye envolvi den accidente di trafico, momento cu e tawata bayendo pa un asistencia.
E accidente a sosode momento cu un taxi a subi e crusada for di banda di panort pa bay links.
Pa un of otro motibo lo no a mira e brommer di polis acercando.
Aki ta unda e impacto a tuma luga, lagando e agente L. herida atras.
Mesora a manda ambulance pa e sitio pa atende e agente cu a keda drumi memey ariba e crusada cu tur consecuencia cu esaki por tawata tin cu ne.
Trabou di unidad motorisa ta uno peligroso, mirando cu bo ta habri pa cualkier impacto, bijvoorbeeld si un auto sali bo dilanti, na banda of no mantene distancia(patras).
Varios di agentenan motorisa a hayanan den accidente, mayoria a sali bon di dje.
Basta aña atras uno si no tawata tin e suerte ey y a resulta seriamente herida(Piedra Plat), unda cu durante hopi tempo mester a haci varios operacion te hasta na Hulanda.
Ambulance a transporta e agente aki pa Hospitaal, unda nos ta desea e agente un pronto recuperacion.
