Home » Nos Kier Boneiru Bek I Bonaire Human Rights ku logro historiko pa e pueblo Boneriano

Nos Kier Boneiru Bek I Bonaire Human Rights ku logro historiko pa e pueblo Boneriano

by Admin
0 comment 145 views

 

Riba nos di 281 dia di pelgrimahe den Latino Amerika I Karibe pa konsientisa I buska solidaridat diahuebs pasa 24 november, Presidente di Chile, Gabriel Boric a bishita Mexico, I riba invitashon, James Finies president di Nos Kier Boneiru Bek, Jorge Garcia Vise-Sekretario General di COPPPAL I Davika Bissessar presidente di Bonaire Human Rights a akompanja presidente Boric durante su bishita na e skol “Gabriela Mistral” ku ta keda na Suidat di Mexico. E outoridatnan di Mexico I Chile a rendi tributo na e maestra I poeta Chilena, pa ku su trabao ku dedikashon ku a eduka miles di muchanan den ambos pais.
Durante e seremonia nos a logra papia ku presidente Boric, e primera dama di Chile Sra Irina Karamanos I Minister di Relashonan Eksterior Antonia Urrejola, na kwal nos a presenta nos “Investigashon di Sufisiensa di Propio-Gobernashon den konformidat ku standardnan internashonalmente-rekonose Pais:Bonaire” I mas alew nos a ekspone e violashonan di Derechonan Humano na Boneiru dor di Reino Hulandes.
10-10-10 tabata un aneksashon illegal di Boneiru. Boneiru I su pueblo nativo no a gana nada for di e akto illegal kolonial Hulandes di integrashon den konstitushon hulandes. E pueblo Boneriano awor ta mas pober ku nan tabata prome ku 10-10-10. Hulanda a habri frontera I kontrola esaki permitiendo entrada di Hulandes Oropeonan pa establese na Boneiru, un atentado deliberado pa hasi e populashon lokal un minoria riba su mes isla. E violashonnan di derechonan humano di akuerdo ley internashonal ta numeroso. Nos tin ku rekorda tur hende ku ta e mesun politikonan ku awor ta kampanjando pa vota pa nan den 2023 manera Elvis SjinaAsjoe, Clark Abraham, Daisy Coffie I otronan a bai di akuerdo na 2017 den konseho insular pa ankra Boneiru kontra deseo di e pueblo Boneirano den konstitushon Hulandes. Nan a ignora I no a respeta e rechazo di e referendum di 18 desember 2015 I a bai di akuerdo ku e akto Hulandes illegal I kriminal aki.
Ademas nos tabata apto pa atende e tema di Boneiru ku e Senador Jose Miguel Insulza, ex- Sektretario General di Organisashon di Estados Americano (OAS), kual a ekspresa su solidaridat I kompleto sosten na nos lucha pa e pueblo Boneriano.
Awe, mas pais na mundo sa di e sufrimento di Boneiru su habitantenan ku desde 10 oktober 2010 a wordu ranka di nan derechonan, nan kultura, nan idioma I identidat I e kos mas presioso ku Hulanda a kita ta nos derecho di libertat I igualdat.
Kolonialismo ta un krimen kontra humanidat I nos ta priminti di sigui lucha mientras ku ta nesesario pa logra husitisia I repset pa derechonan humano di e pueblo Boneriano asina nos I nos generashonan benidero por aspira nos mes futuro.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio