UN SUMA TOTAL DI AWG 35,000 A WORDO ENTREGA NA BAN UNI MAN PA CRIA NOS MUCHANAN
PALM BEACH, ARUBA – Den conexion cu temporada di Thanksgiving y den celebracion di e dia mundial di derechonan di mucha, Aruba Marriott Resort & Stellaris Casino a organisa un fundraising Thanksgiving brunch na La Vista día 20 di November 2022.
Aruba Marriott Resort ta contento di comparti cu danki na e generosidad di su clientela cu a bishita La Vista pa e brunch aki, a logra recauda un total di AWG 18,544.75 pa e fundacion. Alabes, Aruba Marriott Care Foundation cu placer a aporta un suma significante pa asina logra entrega un check di AWG 35,000 na e fundacion “Ban Uni Man Pa Cria Nos Muchanan”.
Fundacion “Ban Uni Man Pa Cria Nos Muchanan” ta un fundacion independiente cu ta depende di “sponsors” pa asina yuda cria nos muchanan di Aruba cu un desayuno y cos di bebe diariamente. Na Aruba, un promedio di 815 mucha ta ariba e programa aki. Aruba Marriott ta sumamente agradecido na e contribucion di cada cliente y tambe di Aruba Marriott Care Foundation pa asina sigura un desayuno pa cada un di e muchanan den e temporada nos dilanti.
Un palabra di gradicimento na e 70 asociadonan cu a bin yuda como voluntario durante e brunch y un danki special na nos patrocinadornan; The Perfect Team Event Planners, Swingmasterz, Magic FM, Cool FM, 24ora.com, Awe Mainta, All 4 You, Antilla Energy Aruba, Caribbean Overseas, Deli Caribbean, DOK Trading, Green Fish Aruba, Romar Trading, Pepia Est. y Huan Zhan, pa hasi e evento posibel.
Durante e evento special aki, bishitantenan a disfruta di e brunch buffet mas extensivo na Aruba, cu un variedad grandi di stations, incluyendo omelet, hot & cold breakfast items, raw bar, carving station, sushi & sashimi, pizza & pasta, dessert & gelato station y mucho mas! Tur esaki mas cu claro a bin acompaña cu “unlimited” mimosas.
Cuminsando na December, La Vista lo cuminsa cu su Sunday Brunch semanal, riba tur diadomingo, for di 11AM – 2PM, pa solamente $59 p/p y ta inclui mimosa ilimita. Yama nos awe mes pa haci bo reservacion na 5206312.
Aruba Marriott Resort & Stellaris Casino a habri na aña 1995 cu 414 camber y a añadi 3 camber na 2018. Na aña 1999 a habri Ocean Club cu 311 camber y na aña 2004 a habri Surfclub cu 900 camber. Na tur, e famia di Marriott Aruba ta consisti di mas o menos 1200 empleado den servicio directo. E compleho di Marriott Aruba ta esun di mas grandi den henter Caribe, tanto den cantidad di camber como den cantidad di empleado.
