Home » Aruba su 11 morto di trafico: Domingo Encarnacion Heredia (45)

Aruba su 11 morto di trafico: Domingo Encarnacion Heredia (45)

by Admin
0 comment 184 views

Ponton: Diadomingo den careda di 2’or di marduga a sosode un accidente fatal riba e caminda di Ponton pa Tanki Flip, un poco panort di e rotonde di Watty Vos Boulevard. Mesora a pidi pa presencia di polis, ambulance y brandweer.

Na yegada nan a bin topa cu
un Toyota Tacoma y un Suzuki
Baleno cu hopi daño material. E chauffeurnan di e autonan
ambos tawata seriamente herida door di e impacto.

E chauffeur di e Baleno su situacion tabata hopi critico y e polisnan na e sitio a pidi pa ambulance yega cu hopi urgencia.

Na yegada di ambulance e chauffeur di e Suzuki Baleno ya no tawata duna señal di bida. E chauffeur di e pickup cu tambe tabata herida a wordo saca di e vehiculo y transporta pa Hospitaal.

Na e sitio nos a papia cu Sra. Rasmijn cu ta Vocero Suplente di Polis y a bisa cu lo ta trata di un accidente frontal, unda cu chauffeur di e Baleno posiblemente a fayece al instante.

Brandweer mester a corta e auto pa asina por a saca e curpa sin bida di e chauffeur di e Baleno for di auto.

Janine Rodiguez di Slachtofferhulp tambe a yega na e sitio pa asisti famia di e fayecido si acaso nan yega na e sitio. Mester bisa cu a bay un adres na Palm Beach unda cu e auto lo ta registra, pero no a topa cu ningun hende.

Dr. Texier lo a constata morto rond di 2:40 a.m di  Domingo Encarnacion Heredia naci 28-01-1977 (45 aña) na Republica Dominicana.

Na e sitio por a mira tambe Specialista di trafico, departamento Tecnico y Fiscal Van der Biezen.

E caminda a wordo cera pa trafico, for di e rotonde nobo di Ponton te panort di Wema Ponton y a keda cera te rond di 5:15 a.m momento cu takelwagen a bay cu ambos auto for di e sitio.

Chauffeur di e pick up ta stabil.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio