Home Dutch Kingdom Reunion di Hunta di DCNA: trahando hunto pa salvaguarda naturalesa den Caribe...

Reunion di Hunta di DCNA: trahando hunto pa salvaguarda naturalesa den Caribe Hulandes

SHARE

 

Kralendijk, Boneiro, – Siman pasa,  Dutch Caribbean Nature Alliance (DCNA) a tene su reunion bianual di hunta na Boneiro. E reunion di hunta di DCNA a proporciona un plataforma importante pa discuti y diseña strategia tocante e formanan mas efectivo di apoyo na e organisacionnan di maneho di area proteha (parkenan) den  Caribe Hulandes a intercambia conocemento y experiencia. Cu voz uni, DCNA tin como meta salvaguarda naturalesa den henter e region.

DCNA ta un red di conservacion sin meta lucrativo cu ta brinda apoyo na e parkenan di e seis islanan di Caribe Hulandes. E reunion di Hunta di DCNA a crea un oportunidad importante pa cada un di e parkenan colabora, comparti recurso y intercambia informacion y idea. Trahando hunto, cada isla por siña di otro, maximisando nan exitonan y siña di e experiencianan mas desafiante.

E componentenan critico cu nan a discuti durante e reunion di Hunta tabata strategia DCNA 2030, desembolso di Fondo Fiduciario pa Conservacion di DCNA y strategia di recaudacion di fondo. Den e proximo añanan, DCNA lo aumenta su esfuersonan di recaudacion di fondo pa segura fuente sostenibel di financiamento pa conservacion di naturalesa. Durante e reunion, a presenta e prome draft di e portofolio di e proyecto di DCNA, basa riba e proyectonan cu  e parkenan ta desea, cu lo yuda busca financiamiento pa proyecto specifico.

Ademas, secretaria y e gruponan di trabou di DCNA a brinda actualisacion pa mehora e esfuersonan di investigacion y monitoreo, y participacion di e hobennan. Tambe a haci presentacion e importante donante Blue Marine Foundation, World Wide Fund for Nature (WWF–NL) y Ministerio di Agricultura, Naturalesa y Calidad di Alimento (LNV). Ademas di e administradonan di conservacion y e diferente expertonan di e Hunta di DCNA, e organisacionnan aki a uni como observado hunto cu BirdLife Netherlands.

E ultimo dia di e reunion di Hunta, e participantenan a bay un excursion cu Mangrove Maniacs. Nan a siña tocante nan impresionante trabou di restauracion di mata di Mangel na Lac Bay y nan a yuda amplia un canal. Nan a siña valioso lesnan cu nan ta pasa pa e otro islanan di Caribe Hulandes.

E proximo reunion di Hunta di DCNA ta planea pa dia 12 pa dia 16 di april 2023 na Sint Eustatius.

Mantene bo mes informa

Pa sigui e actividadnan di DCNA, keda atento na e paginanan di red social di DCNA: Facebook (Dutch Caribbean Nature Allianse), Instagram (DCNAnature). Pa haya sa e ultimo den investigacion y monitoreo den Caribe Hulandes, sigura bo mes di inscribi bo na e boletin digital di tur luna BioNews (https://dcnanature.org/news/)

Di robes pa drechi: Sr. Arno Verhoeven (Director di DCNA), Sr. Erik Matroos (experto financiero), Sr. Jaime Saleh (Patrono), Sr. Paul Stokkermans (CARMABI Curazao), Sr. Ron van der Veer (experto den gobernacion), Sra. Hellen van der Wal (presidente di DCNA), Sr. Kai Wulf (Saba Conservation Foundation), Norman Kuiperi (Tesoro, experto financiero), Erik Boman (DCNA Vicepresidente, STENAPA St Eustatius), Leslie Hickerson (Nature Foundation St Maarten).