Home Obituaries Aurora Funeral Home: Gradicimento / Invitacion

Aurora Funeral Home: Gradicimento / Invitacion

SHARE

Na nomber di famia di Sra. Guillermina M. Maduro-Frank, cariñosamente yama Mina of Omachi, nos kier a gradici tur esnan cu a compaña nos na e despedida di nos Omachi stima y na tur esnan cu a mustra nan sosten den cualkier forma.

Boso atencion tabata di gran consuelo pa nos y nos ta inmensamente agradecido pa esaki. Tambe nos kier a gradici tur esnan cu tabata parti di su bida cu a dune e amor, compania y aprecio cu el a merece.

Danki na Zulaika Geerman cu semper ta percura cu e duele cu famia ta comparti ta bai acompaña cu musica cu ta consola e curason.

Danki na Pastor Jose pa su bunita palabranan cu tabata di gran consuelo pa nos.

Danki na tur esnan cu a haci donacion na Wit Gele Kruis.

Un danki special tambe na Sra. Judith Lattig, Sr. Latham y full e team di Aurora Funeral Home pa nan servicio y profesionalismo excepcional.

Omachi a dal su ultimo keiro bon mereci den un Cadillac elegante y bunita digno di un ultimo recorido.

Alavez nos ta extende e invitacion pa compaña nos pa un Santo Sacrificio di Misa pa descanso di alma di Omachi y tur ser keri cu a bai nos dilanti.

Fechanan lo ta Diaranson 23 di november 2022 y Diabierna 25 di november 2022 ambos pa 6:30 p.m. na Misa Santa Anna na Noord.

Masha danki di curason.