Home Local Aruba Bank a participa y aporta na Aruba Beach Tennis Open 2022

Aruba Bank a participa y aporta na Aruba Beach Tennis Open 2022

SHARE

Oranjestad – 21 di november 2022- Tres ekipo di Aruba Bank a competi den e torneo di Aruba Beach Tennis Open 2022, representando Aruba Bank den categorianan avansa y intermedio.

Mientras cu e categoria avansa a wordo representa pa Ryan Koolman, Robert Koolman, Roderick Bisslik y Milko Baiz, e categoria intermedio a wordo bon representa pa nos colega Gianni di Vecchia cu partner Daniel Rasmijn.

Roderick Bisslik, Ryan Koolman, Barbara Franke y Dorilis Werleman a participa den e team cup pa Aruba Bank.

Aruba Bank a sobresali den nan bueltanan den e campeonato cu a conta cu no menos di 20 competencia riba 12 corte permanente. Nos ta pendiente pa e “Aruba Bank Beach Tennis teams” y nan “come back” na e Aruba Beach Tennis Open 2023.

Danki na tur participante cu a representa Aruba Bank y tambe e organisadornan cu otro evento exitoso y bon bishita.