Home Police Pustamento, causa di accidente ariba Ave Nelson Oduber, dos persona a resulta...

Pustamento, causa di accidente ariba Ave Nelson Oduber, dos persona a resulta herida

SHARE

Avenida Nelson O.Oduber – Diadomingo den careda di mey anochi polis a poco mas panort di Taco Bell, unda cu a sosode un accidente di trafico cu hende herida.

Na yegada di polis nan a topa cu e dos vehiculonan, cual uno a keda di banda despues di a bolter.
E autonan envolvi tawata un Toyota Yaris berde y e esun cu a bolter ta un Honda Integra preto.

Na e sitio tawata wordo papia cu e Honda lo tawata pustando, unda cu e lo dal of mishi cu e Yaris cu no tin nada di haber cu e careda.
Despues di dal/mishi cu e Yaris esaki a perde control completa y ta bay dal contra un mata di kwihi.

E Honda mes ta bay cay algun meter mas panort.

Dos ambulance a presenta pa transporta e heridonan, tanto di e Yaris y e Honda.
Polis di trafico y departamento tecnico a wordo pidi na e sitio.

Polis a confisca e Honda y cu takelwagen e lo a wordo hiba warda di Balashi pa mas investigacion.