Home » Message in a bottle; un mensahe di 135 aña pasa hinca den un botter a wordo haya bou di vloer di un cas

Message in a bottle; un mensahe di 135 aña pasa hinca den un botter a wordo haya bou di vloer di un cas

by Admin
0 comment 110 views

Un plumber/ Loodgieter a topa cu un hayazgo masha peculiar: Un botter di whiskey bieu y den dje un mensahe data for di aña 1887, e botter a wordo haya bou di un vloer di palo di un cas na e Capital di Schotland.

Edinburgh, Schotland:
Un plumber di Edinburgh a bay na un cas pa haci un reparacion, e no por a kere su wowo ora e la bay zaag e vloer di palo di e cas y a bin topa cu un botter di whiskey bieu, den e botter tabata tin un pida papel y riba e papel tabata tin un mensahe skirbi cu ta data for di 1887. 

E plumber yama Peter Allan a bin descubri e botter aki bou di vloer di e cas di Eilidh Simpson. Allan a bay kita un pida vloer di palo di un camber riba e prome piso pa instala un radiator y despues cu e la caba di zaag e vloer, e la bin topa cu e botter bieu di whiskey. Allan a yame un milager, pasobra e no a touch e botter niun rato cu e zaag, e la zaag precies rond di dje sin cu e tabata sa cu eynan tabata tin un botter di whiskey cu un mensahe den dje.

Allan mesora a bay cerca e famia pa comparti e hayazgo aki. E famia a pidi pa warda te ora nan dos yiunan chikito yega for di scol pa nan purba saca e carta for di den e botter.

Pa a saca e carta for di e botter tabata hopi mas dificil cu nan por a pensa. E korkie cu ta hopi bieu a cuminsa scheur caba y no por a habri e botter. No a keda e famia nada otro cu dal e botter kibra cu un martieu, esey tabata e unico forma pa yega na e carta den e botter.

E carta a wordo skirbie pa James Ritchie y John Grieve riba 6 oktober 1887. E mensahe tabata lo siguiente: “James Ritchie y John Grieve a traha e vloer di palo aki pero no a bebe e whiskey. 6 di oktober 1887, pa ora cu haya e botter aki, por supone cu nos a bira stof caba”.

Famia Simpson a pone e carta den leishi y a warda algun pida glas di e botter di whiskey. Paso no ta algo comun of algo di aña 70, pero ta algo di 135 aña bieu, cu a wordo haya den nan cas riba e prome piso.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio