Home » PARTIDO MEP TA FELICITA MR. EVELYN WEVER-CROES PA 5 AÑA COMO PROME MINISTER

PARTIDO MEP TA FELICITA MR. EVELYN WEVER-CROES PA 5 AÑA COMO PROME MINISTER

by Admin
0 comment 43 views

 

Danki pa bo fe, determinacion y curashi pa traha pa e progreso di nos dushi pueblo

 

Partido MEP ta felicita Prome Minister sra. mr. Evelyn Wever-Croes cu su 5 aña como e prome Minister President femenino di nos pais. Dia 17 di November di aña 2017, sra. mr. Evelyn Wever-Croes a huramenta como e mandatario maximo di nos pais. Un momento historico pa nos na Aruba pasobra esaki ta e prome biaha cu nos pueblo a deposita confiansa maximo cu e rumbo di nos pais den un lider femenino. 

 

Un funcion cu sin duda, nos Lider y Prome Minister a eherce cu fe, determinacion y curashi desde e prome dia di gobernacion. Un mandatario cu a mustra cu goberna den tempo dificil ta posibel apesar di retonan fuerte y un pandemia cu a kibra nos pais. Sinembargo, cu e mesun determinacion y amor di semper pa nos pueblo, Prome Minister a traha mas duro ainda na bienestar di nos tur y pa recuperacion di Aruba. 

 

Dia 30 di October, sra. mr. Evelyn Wever-Croes un biaha mas a wordo aclama como Lider di Partido MEP pa e siguiente periodo, haciendo esaki e di 3 biaha cu sra. mr. Evelyn Wever-Croes ta wordo elegi/ reeligi como Lider di Partido MEP y un periodo di 12 aña cu e ta fungiendo den e encargo aki. 

 

Despues di eleccion 2017, sra. mr. Evelyn Wever-Croes a bira e prome Minister President femenino di Aruba. Den e prome periodo di Gobierno di MEP, a logra cosnan grandi pa Aruba, ta p’esey, na aña 2021, MEP a gana eleccion y pueblo a expresa e gratitud den e votonan haciendo Premier Evelyn Wever – Croes e prome votegetter femenino di Aruba. 

 

Y asina, señora mr. Evelyn Wever-Croes, cu un vision determina, a bira e prome lider femenino di MEP. E prome Minister President femenino di Aruba. E prome votegetter femenino di Aruba den eleccion 2021, sirbiendo Aruba den su di dos termino y cu fe y determinacion pa sigui traha pa nos pueblo. 

 

Partido MEP ta felicita Lider di MEP, mr. Evelyn Wever-Croes pa e 5 añanan aki sirbiendo pueblo di Aruba pero mas ainda, den nomber di henter Aruba, Partido MEP ta gradici Lider di MEP y Prome Minister di nos pais, sra. mr. Evelyn Wever-Croes, pa tur trabou duro y incansabel cu el a haci, ta haciendo y lo haci pa e progreso di nos dushi pueblo.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio