Home » Concierto ‘Canto di Pasco’ Un anochi den esfera di Pasco na Klooster Imeldahof

Concierto ‘Canto di Pasco’ Un anochi den esfera di Pasco na Klooster Imeldahof

by Admin
0 comment 192 views

Pa e temporada dushi cu ta acercando, esta Pasco di Nacemento, Fundacion Kapel di Bethania ta organisa diabierna 16 di december un evento na Klooster Imeldahof na Noord.

Fundacion Kapel di Bethania tin como meta principal pa mantencion y conservacion di e kapel y e historia di e edificio Klooster Imeldahof.

Na aña 2021 a declara no solamente e edificio pero e parti interior di e kapel como monumento protehi. E kapel ta unico den su originalidad na henter Aruba.

 ‘Canto di Pasco’ lo tuma luga dia 16 di december cuminsando pa 6 or di atardi.

Esaki lo ta un anochi di concierto bao direccion di nos cantante conoci sra. Tica Giel y pianista Igmar Maduro. Lo tin como cuater coro, solistanan y agrupacion conoci di e districto di Noord. Nan lo bay entretene e publico cu diferente cantica di Pasco.

Banda di esaki lo tin presentacion di e grupo infantil ‘Angelnan di Rosario’ cu lo interpreta un obra teatral di e pesebre bibo.

Pa nos keda den e mesun esfera di Pasco lo tin un bazar unda lo por cumpra diferente articulo, cuminda, pasaboca y cos dushi di Pasco.

Fundacion Kapel di Bethania ta invita henter pueblo di Aruba, pa bin pasa un anochi placentero y experiencia e edificio den un esfera di Pasco di Nacemento. Entrada ta gratis.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio