Home » Parlamentario Darlaine Guedez-Erasmus (MEP): Esaki ta siman di conscientisacion y celebracion di derechonan di nos muchanan

Parlamentario Darlaine Guedez-Erasmus (MEP): Esaki ta siman di conscientisacion y celebracion di derechonan di nos muchanan

by Admin
0 comment 81 views

Pa 5 aña consecutivo comision vision pedagogico ta organisa den un siman di november diferente actividad pa nos muchanan hunto cu nan mayornan. Tin schedule cu informacion di e siman di celebracion aki pa asina por tin un miho bista di unda tur por acudi y participa activamente. Si ta charlanan pedagogico, participacion na e weganan, mira pelicula di derecho di mucha y mucho mas.

Diasabra 19 di november 2022, Gobierno di Aruba bou di encargo di Ministerio di Husticia y Asuntonan social ta organisando un actividad, un marcha door di Caya G.F. Gilberto François Betico Croes. Saliendo di Plaza Nicky Habibe 3:30 pm pa Plaza Padu unda cu lo tin diferente actividad. Ta importante pa enfatisa cu tin un bus cu ta sali 3:00 pm for di YMCA San Nicolas y ta regresa cu e bus 19:00 na YMCA. Gobierno ta facilita esaki, pa asina duna e oportunidad pa tur mucha di Aruba por participa.

Ta importante pa nos como adulto, tuma e siman aki pa reflexiona riba con nos ta tratando e muchanan y kico nos por haci, pa asina proteha y yuda e muchanan crece bon. Mi kier gradici mayornan cu ta haci tur nan esfuerso pa lanta muchanan sano y cu lo bira E ciudadanonan fuerte den nos comunidad. Mi kier gradici tur e instancianan cu ta traha duro pa desaroyo positivo pa e derechonan di mucha aki na Aruba. Mi kier gradici nan pa nan pasion, dedicacion y amor. Mi kier gradici gobierno di Aruba pa nan maneho na bienestar di nos muchanan.

Ban participa hunto cu e muchanan den e actividadnan aki y ban semper brinda nos muchanan hopi amor y laga nan sinti nan mes importante.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio