Home Politics Minister Rocco Tjon: PROCESO DI DESTAHO PA PLAZA TINO RUIZ (DFM)...

Minister Rocco Tjon: PROCESO DI DESTAHO PA PLAZA TINO RUIZ (DFM) A INICIA

SHARE

ORANJESTAD – Den fin di siman, a anuncia cu e proceso di destaho pa realisa plaza Tino Ruiz (dfm) a inicia. Conhuntamente cu DOW lo construi un plaza banda di warda di Polis di Noord, pa asina por pone e busto di Tino Ruiz den feliz memoria, y asina e plaza aki ta dedica na su persona.

Pa por yega na e plaza dedica na Tino Ruiz, lo mester ehecuta diferente trabounan. Lo mester percura pa asfalta ful e parkeerplaats di nobo y pega tegel cu klinker “arubaantjes”. Banda di esaki tambe lo percura pa embeyecemento door di inverti den “landscaping”. Pa finalisa lo pega tambe dos “vlaggenmast” y construi un pedestal di beton riba cual e busto lo wordo pega. E tempo di ehecucion ta 50 dia di trabou despues di e fecha stipula, incluyendo e periodo di pedido. E specificacionnan di e destaho publico pa e proyecto aki ta disponibel na DOW.

Di parti di Ministerio di Husticia y Asuntonan Social nos kier gradici personal di DOW pa nan cooperacion di semper, pa asina pronto e proyecto aki por wordo realisa.