Home » Minister Endy Croes: PALABRA DI FELICITACION NA E SCOLNAN GANADO DI FUTBOL FEMENINO 2022.

Minister Endy Croes: PALABRA DI FELICITACION NA E SCOLNAN GANADO DI FUTBOL FEMENINO 2022.

by Admin
0 comment 136 views

ORANJESTAD: Diabierna atardi riba cancha di Denzel Dumfries di Cruyff Foundation na Jaburibari a tuma final di futbol femenino pa scolnan avansa den deporte escolar. E cuater scolnan Colegio Arubano, Colegio Nigel Matthew Aruba, EPB San Nicolas y La Salle College Aruba a bataya pa mira ta conkista e titulo maximo. Minister Endy Croes tabata presente pa duna sosten y apoyo na e futbolistanan den e final den Deporte Escolar 2022.

E wega pa di tres y di cuater luga tabata entre EPB San Nicolas y La Salle College. E wega a keda empata unda e tironan di penalty a defini e ekipo ganado. Aki EPB San Nicolas a domina e nervionan y ta gana pa asina keda na di tres luga. E gran partido final tabata entre Colegio Arubano y Colegio Nigel Matthew. Ekipo di Colegio Arubano a gana cu e score di 2 – 1 y bay cu e titulo como e campeonnan di futbol femenino VO 2022. Ambos scol ta clasifica den 14 scol segundario cu pa participa den Weganan Interinsular april 2023 contra Curaçao y Boneiro. Pabien na nos scolnan cu a participca, refreenan y ekipo di IBISA

Minister Endy Croes ta felicita tur e scolnan cu a participa pa haci e competencia uno exitoso, specialmente e ekipo ganado. Como tambe e mandatario ta gradici e refereenan cu a yuda durante e torneo sin lubida ekipo di IBISA.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio