Home » DOW ta informa tocante e construccion pa mehora e collector riool entre Costa Linda y Screaming Eagle Restaurant

DOW ta informa tocante e construccion pa mehora e collector riool entre Costa Linda y Screaming Eagle Restaurant

by Admin
0 comment 85 views

ORANJESTAD – Departamento di Obra Publico ta informa pueblo di Aruba en general y specialmente nos automobilista y peatonnan tocante e construccion pa pone tubo pa mehora e collector riool entre Costa Linda y Screaming Eagle Restaurant na J.E Irausquin Blvd.

E construccion pa mehora e collector riool entre Costa Linda y Screaming Eagle Restaurant lo keda cla den dos fase.

Den e prome fase lo coba den e trottoir pa pone e tubonan for di O Condominion te cu Screaming Eagle Restaurant , sigui pa e siguiente fase cu ta e construccion pa pone tubo den e median.

E trabaonan aki a inicia caba dialuna dia 14 di november 2022 y lo tin un duración di 30 dia di trabao.

Nos lo mester cera e caminda parcialmente na haltura di e parkinglot na altura di Coco Loco y tambe na e crusada di Screaming Eagle Restaurant pa por haci e crusada y e conexión necesario.
Den transcurso di e simannan cu ta bin nos lo informa riba e progreso di trabao y e fecha nan exacto di ceramento pa e trabao nan lo mester tuma luga.

En conexion cu esaki Departamento di Obra Publico ta haci un peticion na tur peaton y manehador di auto pa tene cuenta cu e trabao nan cu ta tuma luga. Pa cual nos ta pidi tur automobilista, hotel negoshinan y otro usuarionan comprension y disculpa pa cualkier inconveniencia cu e trabao nan por ocasiona.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio