Caya G.F.Betico Croes – Diamars mainta den oranan trempan di mainta polis a hay’e ta cera un area dilanti unda antes tawata Cable Tv/Setar Store.
Den oranan trempan di marduga pa mainta desconoci/nan a los un cantidad di tiro ariba e caminda.
Unda cu esaki a sosode net pazuid ariba e tereno di ex Setar Store tin un post di security.
Nos a mira polis papiando cu e security guard, kizas e lo a mira of scucha esaki.
Un testigo a acerca nos y a conta nos cu aparentemente cu ya den oranan scur esaki lo a sosode, debi cu hende eybanda a scucha varios tiro.
Ariba e caminda cu a wordo cera por a conta mas o menos un 12 pion cu number, pues indicando cu polis a localisa 12 huls.
Pues lo ta trata di un arma di candela automatico.
E pregunta ta pakiko a los asina hopi tiro ? Algo tawata pasando e momento ey?
Autoridad awor tin un persona eyfo nan cu tin un problema serio den su cabes y ta den posesion di un arma di candela cu e no ta pensa dos biaha pa usè.
E departamentonan concerni a wordo poni na altura y a presenta pa haci nan investigacion.
