Home » Minister di Labor, Energia y Integracion Glenbert Croes: E ECHO CU CIFRA DI DESEMPLEO LOCAL TA BAHANDO TA INDICA CU E MANEHO LABORAL PONIENDO YIU DI TERA PROME TA FUNCIONA

Minister di Labor, Energia y Integracion Glenbert Croes: E ECHO CU CIFRA DI DESEMPLEO LOCAL TA BAHANDO TA INDICA CU E MANEHO LABORAL PONIENDO YIU DI TERA PROME TA FUNCIONA

by Admin
0 comment 111 views

ORANJESTAD – Durante di tratamento di presupuesto den Parlamento, Minister Glenbert Croes a contesta preguntanan di Parlamentario Raymond Kamperveen y Shailiny Tromp – Lee tocante di maneho laboral.

Minister Croes a splica cu loke ta fuel nos economia y e reduccion di desempleo ta turismo, pero si bo no ta hiba un maneho laboral cu ta pone yiunan di tera prome, bo porcentahe di desempleo no ta baha. Pa e motibo aki Minister Croes ta bisa cu como desempleo general y desempleo bou di hobennan ta bahando esaki ta un señal cu e maneho laboral di yiunan di tera prome ta funcionando. Banda di esaki tin e maneho di ‘local counterpart’ cu ta encera condicionnan na momento cu ta emplea un persona di afo pa, por garantisa cu tin transferencia di conocemento. Minister Croes a haci uzo di e oportunidad pa reconoce e bon trabou cu ta tumando luga di parti di DPL, ofreciendo servicio mas lihe y mas agil. “Ora cu tende minister di economia papia di haci servicionan mas lihe, e ta papia corectamente di personanan cardinal, di confiansa den funcionnan specialisa y den categorianan di excepcion. Dado momento mester bin cu fast track pre-approval di e permisonnan pa e categoria di excepcion y ehecutivonan pero bou di e filosofia di local counterpart, pa percura pa yiunan di tera tambe por probecha di oportunidadnan den funcionnan halto cu ta wordo crea.”

Bureau arbeidsinspectie ta manda reportahe mensual di tur e inspeccionnan cu nan ta haci. Realidad ta cu e ‘toezicht en handhavingsbeleid’ cu a wordo aproba door di gobierno ta den implementacion, pero tanten cu bo no bay over na sanccion, e no ta funciona. Na Bureau arbeid en inspectie tin personanan sumamente capacita haciendo e controlnan, pero te ainda sin boete, pero esaki ta exigi capacitacion cual ta unda cu kier yega, Minister Croes a termina bisando.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio